Teymisþjálfun

María Ósk Kristmundsdóttir

Vottaður markþjálfi í heildrænni teymisþjálfun (e. Systemic Team Coaching)

María Ósk Kristmundsdóttir er vottaður teymisþjálfi frá Academy of Executive Coaching (AoEC). Heildræn teymisþjálfun er þverfagleg nálgun sem á rætur að rekja til þróunar skipulagsheilda, gæðastjórnunar, ferlahönnunar, íþróttasálfræði og leiðtogafræða. María sérhæfir sig í að valdefla teymi til að skapa sem mest virði fyrir hagaðila þess. Slík teymisþjálfun snýst um að koma á samkomulagi við bakhjarla teymisins um tilgang og stefnu, skapa árangursríkt kerfi til samvinnu byggða á sameiginlegum gildum og styrkja sambönd innan teymisins um leið og komið er á góðu samstarfi við hagaðila. Kjarni markþjálfunarinnar felst í að teymið dragi lærdóm af reynslu sinni og nýti hann til áframhaldandi vaxtar og þróunar.

María starfar sem framkvæmdastjóri þekkingarmiðlunar hjá afburðasetri Alcoa samsteypunnar. Hún hefur menntun í tölvunarfræði og verkefnastjórnun og hefur gegnt fjölbreyttum störfum m.a. sem ferlasérfræðingur, verkefnastjóri og framkvæmdastjóri. María hefur í störfum sínum sérhæft sig í stefnumótun, stafrænni þróun og umbótamenningu.

Viðtal

60 mínútur

Stakt markþjálfunarviðtal sem veitir einstaklingum rými til að skoða eigin áskoranir og tækifæri. Með áherslu á kerfislega hugsun er unnið með ytri og innri áhrifavalda, tengslanet, samskipti og leiðtogastíl.

Dæmi um útkomu viðtals:

Skýrari forgangsröðun, hlutverk og væntingar
Úrvinnsla úr áskorunum, breytingum, stefnumótun eða nýju samstarfi

Aðferðir:
Speglun og spurningavinna, greining á tækifærum og þróun. Hægt er að byggja ofan á viðtalið með frekari viðtölum eða teymisvinnu.

Teymisdagur

6-8 klst

Vinnustofa þar sem teymið fær tækifæri til að staldra við, dýpka samvinnu og skerpa sameiginlegar áherslur. Unnið er með lykilþætti árangursríkrar teymisvinnu, þar á meðal markmið og stefnu, hlutverk innan teymisins, innra samstarf, ytri tengsl og samræmi við væntingar hagaðila.

Dæmi um útkomu teymisdags:

Skilgreining á gildum, tilgangi, markmiðum og ásetningi teymsisins.
Greining á styrkleikum og tækifærum innan teymisins.
Greining á tengslum teymisins við önnur teymi og hagaðila.
Mótun aðgerðaráætlunar til áframhaldandi þróunar teymisins.

Aðferðir:
Sjálfsmat, teymisuppbygging, stefnumótun, ferlagreiningar, samtal, speglun. Mögulegt að bæta við einstaklingsviðtölum og eftirfylgni eftir daginn.

Þróunarferli

4-6 mánuðir

Heildstætt ferli þar sem unnið er markvisst að teymisþróun með kerfislegri nálgun. Ferlið miðar að því að styðja teymi til að skila sem mestu virði til hagaðila með því að þróa tengsl, traust, valdeflingu og árangursmiðaða hugsun. Ferlið er sniðið að þörfum hvers teymis og aðlagað að starfsumhverfi þess. Ávinningurinn er skýrleiki um gildi, stefnu og vinnuaðferðir, aukin samhæfing innan teymis, sterkari tengsl og bætt frammistaða.

Dæmi um útkomu þróunarferlis:

Greining á tækifærum teymsisins til þróunar
Samkomulag við bakhjarla um tilgang, hlutverk og markmið teymisins .
Skýrari stefna teymsins og sameiginleg ábyrgð á forystu þess.
Samkomulag um vinnuaðferðir teymisins, skipulag og hlutverk innan þess
Skýrari hlutverk teymis gagnvart skipulagsheild og hagaðilum
Aukið traust inann teymis, sameiginleg ábyrgð og lærdómsdrifin menning

Aðferðir:

Sjálfsmat, teymisuppbygging, stefnumótun, ferlagreiningar, samtal, speglun. Teymisfundir, vinnustofur, einstaklingsviðtöl. Samfelld eftirfylgni og endurmat.

Page updated

Google Sites

Report abuse